ಸಾರಿಗೆ ಸಚಿವರ ಸೂಚನೆ ಬೆನ್ನಲ್ಲೇ ಈಜಿಪುರ ಮೇಲ್ಸೇತುವೆ ಕಾಮಗಾರಿ ಪೂರ್ಣಗೊಳಿಸಲು ಬಿ.ಬಿ.ಎಂ.ಪಿ ತಂಡ ರಚನೆ

ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿ.ಬಿ.ಎಂ.ಪಿ) ವ್ಯಾಪ್ತಿಯ ಕೋರಮಂಗಲದ “ಈಜಿಪುರ ಮೇಲ್ಸೇತುವೆ ಯೋಜನೆ” ಕಾಮಗಾರಿಯನ್ನು ಶೀಘ್ರವಾಗಿ ಪೂರ್ಣಗೊಳಿಸಲು ಮುಖ್ಯ ಆಯುಕ್ತರು ಪ್ರತ್ಯೇಕ ಅಭಿಯಂತರ ತಂಡ ರಚಿಸಿದ್ದಾರೆ. ಸಾರಿಗೆ ಸಚಿವ ರಾಮಲಿಂಗಾ ರೆಡ್ಡಿಯವರ ಸೂಚನೆಯ ನಂತರ, ಈ ಯೋಜನೆಯನ್ನು ಸಾರ್ವಜನಿಕರ ಹಿತದೃಷ್ಟಿಯಿಂದ ತ್ವರಿತಗತಿಯಲ್ಲಿ ಪೂರ್ಣಗೊಳಿಸಲು ಕ್ರಮ ಕೈಗೊಳ್ಳಲಾಗಿದೆ. 

ಯೋಜನೆಯ ನಿರ್ವಹಣೆಯನ್ನು ಕೇಂದ್ರ ಕಛೇರಿಯ ಗುಣನಿಯಂತ್ರಣ/ಗುಣಭರವಸೆ ವಿಭಾಗವು ಹೊಣೆಗೊಳ್ಳಲಿದೆ. ಡಾ. ರಾಘವೇಂದ್ರ ಪ್ರಸಾದ್ ಬಿ. ಜಿ (ಮುಖ್ಯ ಅಭಿಯಂತರರು, ಗುಣನಿಯಂತ್ರಣ/ಗುಣಭರವಸೆ) ಅವರ ನೇತೃತ್ವದಲ್ಲಿ ಕೆಳಕಂಡ ಅಭಿಯಂತರರು ಈ ಕಾಮಗಾರಿಯನ್ನು ಪೂರ್ಣಗೊಳಿಸಲು ನಿಯೋಜಿತರಾಗಿದ್ದಾರೆ: 

– ಎನ್. ಚಂದ್ರಶೇಖರ್ (ಕಾರ್ಯಪಾಲಕ ಅಭಿಯಂತರರು, ಯೋಜನೆ-ಕೇಂದ್ರ/1) 

– ಸಂದೇಶ್ ಶೆಟ್ಟಿ (ಸಹಾಯಕ ಕಾರ್ಯನಿರ್ವಾಹಕ ಅಭಿಯಂತರರು, ಟಿ.ವಿ.ಸಿ.ಸಿ ಕಛೇರಿ) 

– ರಂಜಿತ್ ಜೆ. ಎಲ್ (ಸಹಾಯಕ ಅಭಿಯಂತರರು, ಯೋಜನೆ-ಕೇಂದ್ರ/9) 

ಈ ತಂಡವು ಮುಖ್ಯ ಅಭಿಯಂತರರ ಅಧೀನದಲ್ಲಿ ಕಾರ್ಯನಿರ್ವಹಿಸಿ, ಯೋಜನೆಯನ್ನು ತ್ವರಿತವಾಗಿ ಅನುಷ್ಠಾನಗೊಳಿಸಲು ಅಗತ್ಯ ಕ್ರಮಗಳನ್ನು ಕೈಗೊಳ್ಳಲು ಸೂಚಿಸಲಾಗಿದೆ.